-
Համապատասխանություն
Մագիստրոսական ծրագիրը նախատեսված է բակալավրը ավարտած կամ համապատասխան մասնագիտացումը ունեցող բոլոր անձանց համար, ովքեր ցանկանում են ավարտին հասցնել իրենց ֆորմալ կրթությունը և շարունակել իրենց գործունեությունը երաժշտության ոլորտում։
-
Ամսաթվեր և վերջնաժամկետներ
Մագիստրատուրայի ընդունելությունն անցկացվում է 2 փուլով:
1-ին փուլ` 2020 թ. հունիսի 5-20
Ընդունելությունն անցկացվում է անվճար և պարտադիր զինվորական ծառայությունից տարկետման իրավունքով ուսուցման տեղերի համար: Կարող են մասնակցել միայն բակալավրիատի կամ դիպլոմավորված մասնագետի կրթական աստիճան ունեցող շրջանավարտները:2-րդ փուլ` 2020 թ. սեպտեմբերի 1
Ընդունելությունն անցկացվում է ուսման վարձի մասնակի զեղչի կիրառման (վճարովի), առանց պարտադիր զինվորական ծառայությունից տարկետման իրավունքի ուսուցման տեղերի համար:
Դիրիժորություն
Առաքելություն
Օպերային և սիմֆոնիկ խմբավարների մասնագիտությունը կրթում է դիրիժորների, ովքեր հմուտ են կատարողական տեխնիկայի ու սիմֆոնիկի հիմունքների ոլորտում, տեղյակ են օպերային ու հռետորական հիմնական երգացանկին ու զարգացնում տարբեր ընդգրկման երաժշտական անսամբլների հետ աշխատելու ունակությունը:
Շրջանավարտները կարողանում են կատարել և մեկնաբանել տարբեր դարաշրջանների արտասահմանյան և հայ խմբերգային երաժշտություն, կազմավորել և ինքնուրույն աշխատել տարբեր ձևաչափերի պրոֆեսիոնալ և սիրողական երգչախմբերի հետ։
Նրանք տիրապետում են անցյալի և արդի երաժշտարվեստի արտահայտչամիջոցներին և տեխնիկաներին, արտասահմանյան և հայ երաժշտության պատմությանը, տեսությանը և գեղագիտությանը վերաբերող լայն գիտելիքների, ազատորեն կիրառում են դրանք սեփական աշխատանքում:
Սովորողները տիրապետում են բեմական կատարման հմտություններին, տարբեր երաժշտական ոճերով ներդաշնակման, բազմաձայնման, փոխադրման և գործիքավորման արվեստին:
Նրանք հմուտ են նաև գրավոր աշխատանքի և բանավոր ելույթի ակադեմիական ձևը, ոճն ու բառապաշարը կիրառելու մեջ, կարողանում են մասնագիտական ոլորտում գրավոր և բանավոր բանավիճել ինչպես հայերեն, այնպես էլ առնվազն մեկ օտար լեզվով: Ունեն նախնական գիտելիքներ արվեստի այլ ճյուղերի, հումանիտար և հասարակական գիտությունների վերաբերյալ, ինչպես նաև երաժշտական մանկավարժության ոլորտում: Նրանք կարողանում են մասնակցել թիմային աշխատանքին, պատշաճ կերպով համագործակցել միմյանց, երաժիշտ-կատարողների և երաժշտական ոլորտի այլ մասնագետների հետ:
Շրջանավարտները տիրապետում են բավականաչափ գիտելիքների՝ բարձրագույն կրթության երկրորդ մակարդակի ուսումը երաժշտությանն առնչվող այլ մասնագիտությամբ շարունակելու համար:
Կարդալ ավելին
