Վճարման ժամանակացույց

Կոնսերվատորիան առաջարկում է ճկուն վճարային համակարգ։ Հասանելի է վճարման երեք տարբերակ՝ 

• Մեկ փոխանցումով՝  վճարել ամբողջ տարեկան վարձը մեկ անգամով,

• Երկու փոխանցումով՝ վճարել վարձը կիսամյակ առ կիսամյակ,

• Ամսական փոխանցումով վճարել վարձը ամեն ամիս:  erkrord kursecinery 

Ուշադրություն՝

Ամսավճարային տարբերակից օգտվելու համար պետք է մինչ ուսումնական տարվա սկիզբը ներկայացնել դիմում կոնսերվատորիայի հաշվապահություն, որտեղ հստակ կնշվի Ձեր վճարումների ժամանակացույցը և այն գումարը, որը դուք նախատեսում եք վճարել ամեն ամիս։  Վճարումները պետք է կատարվեն հավասար բաշխվածությամբ` տասը ամսվա կտրվածքով։ 

Դիմումը կարող է ներկայացվել,թե՛ ֆինանսական գծով պրոռեկտորին, թե՛ ուսումնական գծով պրոռեկտորին։

Դիմումը հնարավոր է ուղարկել էլեկտրոնային տարբերակով հետևյալ հասցեին՝ vice-rector.fin@conservatory.am 

Վճարման ժամանակցույցին վերաբերող դիմումները հարկավոր է ներկայացնել մինչև [քննական շրջանի սկիզբը]։ Դիմումները նշված ժամկետից ուշ չեն ընդունվում և ուսումնական տարվա ընթացքում վճարման ժամանակացույցի փոփոխություն չի իրականացվում։

Ուշադրություն՝ 

Եթե ուսանողը չի կարողանում վճարել ուսման վարձը և որևէ տարբերակով չի համապատասխանում նպաստի տեսքով փոխհատուցման կամ կրթաթոշակի չափանիշներին, ապա նա  հեռացվում է ԵՊԿ-ից։ 

Վճարման տարբերակներ

ԵՊԿ-ի ուսման վարձը հնարավոր է մուծել միայն բանկային փոխանցման միջոցով։ 

Փոխանցումը կարելի է կատարել ցանկցած բանկային համակարգի, ինչպես նաև՝ ԱՏՄ սարքերի, առցանց բանքինգի և բանկ այցելելու միջոցով հետևյալ հաշվեհամարին՝ 

Հ/Հ- 900018002072 

Փոխանցման նպատակի դաշտում պարտադիր պետք է նշել ուսանողի անուն, հայրանուն, ազգանունը, կուրսը և բաժինը, ինչպես նաև՝ վճարման նպատակը, այն է՝ ուսման վարձի մարում, նույնը, երբ վճարումը կատարվում է այլ անձի (օր.՝ ծնողի) կողմից:

Վճարման անդորագիր ներկայացնելը պարտադիր պայման չէ, սակայն ցանկության դեպքում, ուսանողը կարող է այն հանձնել իր դեկանատ։ 

Ունե՞ք հարցեր

Յուրաքանչյուր տարի ՀՀ կառավարության, ԵՊԿ-ի և ՀՀ օրենսդրությամբ չարգելված այլ աղբյուրների կողմից տրամադրվում է ուսանողական նպաստ, որը փոխհատուցում է ուսանողի ուսման վճարը ամբողջությամբ կամ մասնակի։

Պետություն 

Ամբողջական փոխհատուցում 

Պետական նմաստի տեսքով ամբողջական փոխհատուցում կարող են ստանալ՝

• Մրցույթային կարգով առավել բարձր միջին որակական գնահատականի (ՄՈԳ) արժանացած ուսանողները,
• Առանց ծնողական խնամքի ուսանողները և նրանց թվին պատկանող անձիք,
• 1-ին և 2-րդ խմբերի հաշմանդամները և հաշմանդամ երեխայի կարգավիճակ ունեցող անձիք, 
• Ժամկետային պարտադիր զինվորական ծառայության ժամանակ ծառայողական պարտականությունները կատարելիս 1-ին կամ 2-րդ խմբի հաշմանդամության զինվորական կենսաթոշակի իրավունք ունեցող նախկին զինծառայողները, ինչպես նաև զոհված (մահացած) զինծառայողների մինչև 27 տարեկան զավակները։

Մասնակի փոխհատուցում

Մասնակի փոխհատուցում կարող են ստանալ՝ 

ՀՀ ԿԳՄՍ նախարարության կողմից սահմանված ՄՈԳ-ը հաղթահարած և ընտանիքների անապահովության գնահատման համակարգում հաշվառված՝ ՀՀ կառավարության կողմից սահմանվող կարգով անապահովության սահմանային միավորից բարձր միավորներ ունեցող հետևյալ խմբերը՝

• Մինչև  5 միավորով բարձր անապահովության միավոր ունեցող ընտանիքի անդամ հանդիսացող ուսանողներին՝ ուսման վճարի 50 տոկոսի չափով
• 5-ից 10 միավորով բարձր անապահովության միավոր ունեցող ընտանիքի անդամ հանդիսացող ուսանողներին՝ ուսման վճարի 60 տոկոսի չափով
• 10-ից 15 միավորով բարձր անապահովության միավոր ունեցող ընտանիքի անդամ հանդիսացող ուսանողներին՝ ուսման վճարի 70 տոկոսի չափով
• 15-ից 20 միավորով բարձր անապահովության միավոր ունեցող ընտանիքի անդամ հանդիսացող ուսանողներին՝ ուսման վճարի 80 տոկոսի չափով
• 20-ից բարձր անապահովության միավոր ունեցող ընտանիքի անդամ հանդիսացող ուսանողներին՝ ուսման վճարի 100 տոկոսի չափով

Ուշադրություն

• Պետության կողմից տրվող ուսանողական նպաստները, համապատասխան փաստաթղթերի առկայության դեպքում, կարող են ստանալ առաջին իսկ կուրսի ուսանողները (երկրորդ կիսամյակից) և ենթակա են վերանայման յուրաքանչյուր տարի ըստ։

• Պետության կողմից ուսանողական նպաստի տեսքով մասնակի փոխհատուցում ստանալու համար ուսանողը իր ընտանիքի անապահովության միավորի վերաբերյալ սոցիալական ծառայություններ տրամադրող տարածքային մարմնի տրամադրած տեղեկանքը յուրաքանչյուր տարի պետք է ներկայացնի Կոնսերվատորիա մինչև տվյալ տարվա սեպտեմբերի 10-ը։

• Առանց ծնողական խնամքի մնացած և նրանց թվին պատկանող ուսանողներին, ինչպես նաև՝ զոհված (մահացած) զինծառայողների մինչև 27 տարեկան զավակներին ուսանողական նպաստները տրամադրում են 1-ին կուրսից մինչև ծրագրի ավարտը։

• 1-ին և 2-րդ խմբերի հաշմանդամներին և հաշմանդամ երեխայի (18 տարեկանը չլրացած) կարգավիճակ ունեցող անձանց, ինչպես նաև պարտադիր ժամկետային զինվորական ծառայության ընթացքում հաշմանդամություն ձեռք բերած ուսանողներին, համապատասխան փաստաթղթերի առկայության դեպքում, կարող են տրվել առաջին իսկ կուրսից և ենթակա են վերանայման յուրաքանչյուր ուսումնական տարվա վերջում։ 

Պետության կողմից ուսանողական նպաստի ձևով ուսման վճարի լրիվ կամ մասնակի փոխհատուցում ստանալու դիմումներն պետք է ներկայացնել 205 սենյակ (2րդ հարկ)։ Ջևանմուշը ստանալու համար կարող եք դիմել նույն սենյակ՝ ռեկտորի օգնական Շուշանիկ Մեհրաբյանին։

Վերոնշյալ փոխհատուցումը ստանալու համար անհրաժեշտ է ներկայացնել հետևյալ փաստաթղթերը՝ 

Պետական նմաստի տեսքով ամբողջական փոխհատուցում կարող են ստանալ՝

• Մրցույթային կարգով առավել բարձր միջին որակական գնահատականի (ՄՈԳ) արժանացած ուսանողները,
• Առանց ծնողական խնամքի ուսանողները և նրանց թվին պատկանող անձիք,
• 1-ին և 2-րդ խմբերի հաշմանդամները և հաշմանդամ երեխայի կարգավիճակ ունեցող անձիք, 
• Ժամկետային պարտադիր զինվորական ծառայության ժամանակ ծառայողական պարտականությունները կատարելիս 1-ին կամ 2-րդ խմբի հաշմանդամության զինվորական կենսաթոշակի իրավունք ունեցող նախկին զինծառայողները, ինչպես նաև զոհված (մահացած) զինծառայողների մինչև 27 տարեկան զավակները։

1. ՀՀ կառավարության կողմից յուրաքանչյուր տարի սահմանվող անապահովության սահմանային միավորից բարձր միավորներ ունեցող ուսանողներին

• տեղեկանք դեկանատից և կիսամյակի ակադեմիական տեղեկագիրը, 
• տեղեկանք ընտանիքների անապահովության գնահատման համակարգում հաշվառված լինելու և անապահովության միավորի չափի մասին,
• ուսանողի անձնագրի պատճենը։

Ուշադրություն՝ 

Պետության կողմից ուսանողական նպաստի ձևով ուսման վճարի մասնակի փոխհատուցում ստանալու համար ուսանողն իր ընտանիքի անապահովության միավորի վերաբերյալ սոցիալական ծառայություններ տրամադրող տարածքային մարմնի տրամադրած տեղեկանքը յուրաքանչյուր տարի բուհին է ներկայացնում մինչև տվյալ տարվա սեպտեմբերի 30-ը:

 Բարձրագույն ուսումնական հաստատությունները մինչև տվյալ տարվա հոկտեմբերի 20-ը նախարարություն են ներկայացնում համապատասխան փաստաթղթեր ներկայացրաց ուսանողների տվյալները` համապատասխան ֆինանսական միջոցներ ստանալու համար:

2. ՀՀ կառավարության 2014 թվականի դեկտեմբերի 18-ի N 1444-Ն որոշման N 1 հավելվածում ներառված սոցիալական աջակցություն ստացող համայնքներում հաշվառված և վերջին հինգ տարում մշտապես բնակվող ու տվյալ համայնքի հանրակրթական ուսումնական հաստատությունն ավարտած և Հայաստանի Հանրապետության պետական կամ հավատարմագրված ոչ պետական բուհերի համապատասխան ուսուցման ձևերով (առկա, հեռակա) բակալավրի և մագիստրոսի կրթական աստիճաններով (այդ թվում՝ անընդհատ ու ինտեգրացված կրթական ծրագրերով) ուսանողների համար

• տեղեկանք դեկանատից և կիսամյակի ակադեմիական տեղեկագիրը, 
• տեղեկանք բնակության (հաշվառման) վայրից՝ տվյալ համայնքում վերջին հինգ տարում մշտապես բնակվելու մասին,
• տվյալ համայնքի հանրակրթական ուսումնական հաստատության ավարտական փաստաթղթի պատճեն,
• ուսանողի ծննդյան վկայականի պատճենը,
• ուսանողի անձնագրի պատճենը։

Ուշադրություն՝ 

• Պետության կողմից ուսանողական նպաստի ձևով ուսման վճարի լրիվ կամ մասնակի փոխհատուցում ստանալու համար անհրաժեշտ փաստաթղթերն ընդունվում են յուրաքանչուր ուսումնական տարվա սկզբին՝ սեպտեմբեր ամսվա ընթացքում :
• Զեղչման համար հիմք հանդիսացող փաստաթղթերի պատճենների հետ անհրաժեշտ է ներկայացնել նաև տվյալ փաստաթղթի բնօրինակը՝ համապատասխանությունը ստուգելու համար:
• Մի քանի արտոնությունների հավակնելու դեպքում ուսանողը կարող է օգտվել միայն մեկ արտոնությունից, որի դեպքում կիրառվում է մասնակի փոխհատուցման առավելագույն չափը:

Ինչպես պետությունը, այնպես էլ ԵՊԿ-ն աջակցում է իր ուսանողներին իրենց ուսվարձի ծախսերը հոգալու համար՝ կիրառելով մասնակի զեղչային համակարգ: Դրանք գնահատվում են ուսանողի սոցիալական վիճակի կամ բարձր կրթական առաջադիմության արդյունքների հիման վրա։

Մի քանի արտոնություններին հավակնելու դեպքում ուսանողը կարող է օգտվել դրանցից միայն մեկից, որի դեպքում կիրառվում է մասնակի փոխհատուցման առավելագույն չափը։

Սոցիալական նպաստ

ԵՊԿ սոցիալան նպաստը տրամադրվում է հետևյալ կարգավիճակ ունեցող ուսանողներին՝

• Սոցիալապես անապահով (ՀՀ Կառավարության ընտանիքների անապահովության սահմանային միավորից բարձր միավոր ունեցող ընտանիքների) ուսանողներին՝ 30 տոկոս 
• 18 տարին լրանալուց հետո առանց ծնողական խնամքի մնացած ուսանողներին մինչև 23 տարին լրանալը՝ 50 տոկոս
• 23 տարին չլրացած միակողմանի ծնողազուրկ ուսանողներին՝ 50 տոկոս
• Մինչև մեկ տարեկան երեխա ունեցող ուսանողներին ՝ 50 տոկոս
• Երեք և ավելի անչափահաս ուսանող երեխաներ ունեցող ընտանիքների ուսանողներին՝ 30 տոկոս
• Հեռավոր, լեռնային, սահմանամերձ գյուղերի հանրակրթական դպրոցների ուսուցիչների երեխաներին՝ 30 տոկոս
• 1-ին կամ 2-րդ խմբի հաշմանդամ ուսանողներին՝ 30 տոկոս
• Հաշմանդամ ազատամարտիկ ծնող ունեցող ուսանողներին՝ 30 տոկոս
• Պարտադիր ժամկետային զինվորական ծառայության ժամանակ մարտական հերթապահություն իրականացրած ուսանողներին՝ 30 տոկոս
• Սոցիալապես անապահով (ընտանիքների անապահովության գնահատման համակարգով հաշվառված անապահովության 0 միավորից բարձր միավոր ունեցող ընտանիքների) ուսանողներին՝ 20 տոկոս
• Կոնսերվատորիայում հիմնական աշխատանքային պայմանագրով աշխատողների երեխաներին՝ 30-60 տոկոս՝ կախված ծնողի աշխատանքային ստաժից
• Առանձնահատուկ դեպքերում Կոնսերվատորիայի որոշմամբ այլ կարգավիճակի ուսանողներին՝ 10-30 տոկոս

Ուսանողական նպաստի ձևով ուսման վարձի՝ բուհի կողմից մասնակի զեղչման դիմումներն պետք է ներկայացնել 205 սենյակ (2րդ հարկ)։ Ջևանմուշը ստանալու համար կարող եք դիմել նույն սենյակ՝ ռեկտորի օգնական Շուշանիկ Մեհրաբյանին։

Դիմումին կից պետք է ներկայացնել հետևյալ փաստաթղթերը՝

• Սոցիալապես անապահով ընտանիքների ուսանողների համար՝

• Տեղեկանք դեկանատից և կիսամյակի ակադեմիական տեղեկագիրը,
• Տեղեկանք ընտանիքի անապահովության գնահատման համակարգում հաշվառված լինելու և անապահովության միավորի չափի մասին,
• Ուսանողի անձնագրի պատճենը 

1. 18 տարեկան լրանալուց հետո առանց ծնողական խնամքի մնացած ուսանողների համար (մինչև 23 տարին լրանալը)

• Տեղեկանք դեկանատից և կիսամյակի ակադեմիական տեղեկագիրը,
• Ծնողների մահվան վկայականների պատճենները,
• Ուսանողի ծննդյան վկայականի պատճենները,
• Ուսանողի անձնագրի պատճենը 

1. 23 տարին չլրացած միակողմանի ծնողազուրկ կամ միածնող՝ միայնակ մոր կարգավիճակով ուսանողների համար՝

• տեղեկանք դեկանատից և կիսամյակի ակադեմիական տեղեկագիրը,
• ծնողի մահվան վկայականի պատճենը,
• ուսանողի ծննդյան վկայականի պատճենը,
• ուսանողի անձնագրի պատճենը։ 

1. Մինչև մեկ տարեկան երեխա ունեցող ուսանողների համար՝

• տեղեկանք դեկանատից և կիսամյակի ակադեմիական տեղեկագիրը,
• երեխայի ծննդյան վկայականի պատճենը,
• ուսանողի անձնագրի պատճենը։ 

1. Երեք և ավելի անչափահաս կամ երեք և ավելի ուսանող երեխաներ ունեցող ընտանիքների ուսանողների համար՝

• տեղեկանք դեկանատից և կիսամյակի ակադեմիական տեղեկագիրը,
• տեղեկանք ընտանիքի կազմի մասին,
• ընտանիքի  անչափահաս երեխաների ծննդյան վկայականների կամ ուսանողների անձնագրերի պատճենները,
• տեղեկանքներ բուհերից ընտանիքի ուսանող-անդամների ուսումնառության մասին։ 

1. Հեռավոր լեռնային և սահմանամերձ գյուղերի հանրակրթական դպրոցների ուսուցիչների երեխա-ուսանողների համար՝

• տեղեկանք դեկանատից և կիսամյակի ակադեմիական տեղեկագիրը,
• տեղեկանք ընտանիքի կազմի մասին,
• տեղեկանք ծնողների աշխատանքի վայրից, 
• ուսանողի ծննդյան վկայականի պատճենը,
• ուսանողի ծնողների անձնագրերի պատճենները։

1. 1-ին կամ 2-րդ խմբի հաշմանդամ, այդ թվում` հաշմանդամ ազատամարտիկ-ծնող ունեցող ուսանողների համար՝ 

• տեղեկանք դեկանատից և կիսամյակի ակադեմիական տեղեկագիրը,
• ծնողի հաշմանդամության վկայականների պատճենը,
• ուսանողի ծննդյան վկայականի պատճենը,
• ուսանողի անձնագրի պատճենը։ 

1. Մարտական հերթապահություն իրականացնող զորամասերում մարտական հերթապահության մեջ ընդգրկված պարտադիր ժամկետային զինվորական ծառայություն անցած ուսանողների համար՝

• տեղեկանք դեկանատից և կիսամյակի ակադեմիական տեղեկագիրը,
• զինգրքույկի առաջին և մարտական հերթապահությանը մասնակցելու     մասին գրառման էջերի պատճենները,
• ուսանողի անձնագրի պատճենը։ 

1. Ուսանողական նպաստների համակարգում չընդգրկված, բակալավրիատում 18 և ավելի բարձր, իսկ մագիստրատուրայում 19 և ավելի բարձր ՄՈԳ ունեցող առաջադիմությամբ ուսանողների համար՝

• տեղեկանք դեկանատից և կիսամյակի ակադեմիական տեղեկագիրը։

10 Կոնսերվատորիայում հիմնական աշխատանքային պայմանագրով աշխատողների երեխա-ուսանողների համար. 

• տեղեկանք դեկանատից և կիսամյակի ակադեմիական տեղեկագիրը։
• տեղեկանք ԵՊԿ Կադրերի բաժնից ծնողի աշխատանքային ստաժի մասին,
• ուսանողի ծննդյան վկայականի պատճենը։ 

ՈՒՇԱԴՐՈՒԹՅՈՒՆ

Զեղչման համար հիմք հանդիսացող փաստաթղթերն անհրաժեշտ է ներկայացնել ուսումնական տարվա յուրաքանչուր կիսամյակի՝ ուսումնական պարապմունքների սկզբին նախորդող և հաջորդող երկու շաբաթների ընթացքում:

Զեղչման համար հիմք հանդիսացող փաստաթղթերի պատճենների հետ անհրաժեշտ է ներկայացնել նաև տվյալ փաստաթղթի բնօրինակը՝ համապատասխանությունը ստուգելու համար:

Մի քանի արտոնությունների հավակնելու դեպքում ուսանողը կարող է օգտվել միայն մեկ արտոնությունից, որի դեպքում կիրառվում է մասնակի փոխհատուցման առավելագույն չափը: 

ԵՊԿ-ի կողմից նպաստի տեսքով փոխհատուցման (զեղչ) ստանալու վերաբերյալ որոշումը կայացնում է հատուկ այդ նպատակով կազմված Մանդատային հաննձնաժողովը, որը դիմումներ ստանալուն պես, անցկացնում է նիստ և քննարկում թեկնածությունները։

ԵՊԿ կրթաթոշակներ

ԵՊԿ-ն տրամադրում է նաև անվանական կրթաթոշակներ: Մանրամասներին ծանոթանալու համար անցնել հղումով:

Ուշադրություն

Անվանական կրթաթոշակները տրամադրվում են միայն երկրորդ ուսումնական տարվանից:

«Երևանի Կոմիտասի անվան պետական կոնսերվատորիայի բարեկամներ» հիմնադրամ

ԵՊԿ-ին կից գործում է «Երևանի Կոմիտասի անվան պետական կոնսերվատորիայի բարեկամներ» հիմնադրամը, որը ստեղծվելով 2019-ի ավարտին, նպատակ ունի [նշել հիմնադրամի նպատակը]:

Իր գործունեության շրջանականերում հիմնադրամը տրամադրում է ակադեմիական կրթաթոշակներ կոնսերվատորիայի լավագույն ուսանողներին: Կրթաթոշակների մանրամասներին և դիմելու կարգին ծանոթանալու համար խնդրում ենկ անցնել հղումով:

Ուսանողը կարող է ստանալ պետական կրթաթոշակ գերազանց և լավ առաջադիմության, հասարակական ակտիվության, պատշաճ վարքագիծ դրսևորելու համար, ինչպես նաև մասնագիտական մրցույթ-ստուգատեսներ հաղթելու դեպքում։

Կոնսերվատորիայի պետական կրթաթոշակների թվաքանակը և չափը հաստատում է  ՀՀ կառավարությունը յուրաքանչյուր տարի, տվյալ տարվա ՀՀ պետական բյուջեով կոնսերվատորիային հատկացված միջոցների սահմաններում։ Կրթաթոշակի հատկացման գործընթացը համակարգում է մանդատային հանձնաժողովը։ 

Ուսանողին պետական կրթաթոշակի տրամադրումը վերանայվում է յուրաքանչյուր ուսումնական տարվա ավարտին։ Պայմանները չապահովելու դեպքում ուսանողը զրկվում է պետական կրթաթոշակից։ 

Կրթաթոշակի տրամադրման համար հիմք հանդիսացող փաստաթղթերն անհրաժեշտ է ներկայացնել ուսումնական տարվա յուրաքանչուր կիսամյակի՝ ուսումնական պարապմունքների սկզբին նախորդող և հաջորդող երկու շաբաթների ընթացքում:

Այլ դրամաշնորհներ

Կոնսերվատորիայի ուսանողները կարող են դիմել մի շարք հիմնադրամների և դրամաշնորհներ տրամադրող կազմակերպությունների։ 

Ամբողջական ցուցակը կգտնեք հետևյալ հղումով:

ԵՊԿ-ի ուսանողները կարող են նաև մարել իրենց ուսման վարձը հայաստանյան բանկերի կողմից տրամադրվող ուսանողական վարկերի միջոցով։Ուսանողական վարկի ստացման պայմանները բոլոր պետական բուհերի համար նույնն են։ ԵՊԿ-ն իր հերթին պատրաստ է տրամադրել բոլոր անհրաժեշտ տեղեկանքներն և փաստաթղթերը, որպեսզի դուք հեշտությամբ կարողանանք ստանալ ուսանողական վարկը։ 

Հայաստանում ուսանողական վարկեր են տրամադրում հետևյալ բանկերը. 

• ID bank

https://www.idbank.am/retail/studentloan/#127

• Evocabank 

https://www.evocabank.am/services/individuals/individuals-loans/student-loans.html

• Ararat Bank 

https://www.araratbank.am/hy/sparoxakan-varker/41/

• Inecobank

https://www.inecobank.am/hy/Individual/purpose-loans/education

• Acba bank 

https://www.acba.am/hy/individuals/loans/consumer-credits/usman-varker

• Converse

https://www.conversebank.am/hy/state/