Կոնսերվատորիայի դաշնամուրային ֆակուլտետում մենք անընդհատ առաջ ենք գնում` պահպանելով դասական և ազգային երաժշտության լավագույն ավանդույթները, կամուրջ դառնալով ավանդականի ու նորագույնի միջև: Մենք ուղղորդում և ոգեշնչում ենք մեր երիտասարդ խոստումնալից երաժիշտներին մասնագիտական կարիերայի կառուցման ճանապարհին` դառնալու արվեստի դեսպաններ ամբողջ աշխարհում:

Կատարողականությունն ու մանկավարժությունն այստեղ զուգորդվում են, նոր որակներ ստանում: Երբ ոտք ես դնում այս դռներից ներս, դաշնակահարի մասնագիտությունը դառնում է ճակատագիր, էությունդ սերտաճում է գործին, դառնում ֆիզիոլոգիական բաղկացուցիչ, գրեթե շոշափելի: