Ծրագիրը թվերով

«Երաժշտական Հայաստան» գիտական միջազգային ամսագրում տպագրվող հոդվածներն ընդգրկում են «Երաժշտական արվեստ» մասնագիտության ուսումնասիրությունների բոլոր բնագավառներ՝ երաժշտության պատմություն, տեսություն, ֆոլկլորագիտություն, կատարողական արվեստի պատմություն և տեսություն, ինչպես նաև երաժշտության հետ առնչվող միջդիսցիպլինար մասնագիտացումների ոլորտը:

Ամսագրում հրատարակվում են Հայաստանում և արտերկրում բնակվող մասնագետների հայերեն, ռուսերեն և անգլերեն լեզուներով գրված հոդվածները, որոնք համապատասխանում են սույն նորմերին ու պահանջներին:

Հրատարակման ենթակա հոդվածները ներկայացվում են ԵՊԿ Հրատարակչություն տպագիր տարբերակով 0001, Երևան, Մարկ Գրիգորյան 2, 103 սենյակ և Word տարբերակով [email protected] ու [email protected] էլ. հասցեներին: Յուրաքանչյուր տարվա Nº1-ի նյութերն ընդունվում են մինչև մայիսի 31-ը, իսկ Nº2-ի նյութերը՝ մինչև նոյեմբերի 30-ը: Թղթային տարբերակի դեպքում հոդվածի յուրաքանչյուր էջին պետք է լինի հեղինակի(ների) ստորագրություն(ները):

Հոդվածները քննարկվում են խմբագրական կոլեգիայի նիստում հրատարակչություն ներկայացնելուց առնվազն երկու շաբաթ առաջ և հրատարակվում են համաձայն սույն կարգին:

Ուշադրությո՛ւն. Խմբագրական կոլեգիան կարող է մերժել հոդվածի հրապարակումը «Երաժշտական Հայաստան» ամսագրում՝ վերը նշված նորմերին և պահանջներին չհամապատասխանելու դեպքում: Կոլեգիայի որոշումն ենթակա չէ բողոքարկման: