Ուսանողները կարող են հասնել Երևանի Կոմիտասի անվան պետական կոնսերվատորիա մի շարք տարբերակներով։

Երևանում հանրային տրանսպորտային սպասարկումն իրականացվում է ավտոբուսներով, միկրոավտոբուսներով, տրոլեյբուսներով և մետրոպոլիտենով (մետրոյով): Մանրամասն տե՛ս՝ http://marshrut.info/

Ցավոք, Հայաստանում դեռ չի գործում հանրային տրանսպորտի աբոնեմենտային համակարգ, հետևաբար տոմսի վճարումը կատարվում է կանխիկով:

Հուշում. Չնայած, որ վարորդները (գրեթե) միշտ ունենում են մանրադրամ, փորձեք վճարումը կատարել մանրադրամով՝ վարորդի դժգոհությունից խուսափելու համար:

Դեպի Կոնսերվատորիա երթևեկում են թիվ  13, 49, 57, 58 և 259 ավտոբուսները, որոնք կայանում են Օպերայի հարակից կանգառներում, իսկ թիվ 5, 7 և 71 ավտոբուսները կայանում են անմիջապես ԵՊԿ-ին հարող՝ Մոսկովյան փողոցի վրա տեղակայված կանգառում։

Ավտոբուսի մեկ ուղևորության արժեքը կազմում է 100 դրամ:

Դեպի Կոնսերվատորիա երթևեկում են թիվ 2, 4 և 13 միկրոավտոբուսները։
Միկրոավտոբուսի մեկ ուղևորության արժեքը կազմում է 100 դրամ:

Հուշում. Վերոնշյալ բոլոր ավտոբուսների և միկրոավտոբուսների երթուղիներն ընդգրկում են Զեյթունի հանրակացարանի հարևանությամբ Դավիթ Անհաղթի փողոցի վրա տեղակայված կանգառը:

Կոնսերվատորիային հարող կանգառներում կանգնում են թիվ 9 և 10 տրոլեյբուսները:
Տրոլեյբուսի մեկ ուղևորության արժեքը կազմում է 50 դրամ:

Կոնսերվատորիային ամենամոտ մետրոյի կայարանը Երիտասարդականն է։
Մետրոպոլիտենի մեկ տոմսի արժեքը կազմում է 100 դրամ: