Երևանի Կոմիտասի անվան պետական կոնսերվատորիայի կոնսերվատորիայի Գյումրու մասնաճյուղը հիմնադրվել է 1997 թվականին Երևանի կոնսերվատորիայի Գիտական խորհրդի որոշմամբ՝ Հայաստանի Հանրապե­տության հյուսիսային տա­րածաշրջանում երաժշտական բարձրա­գույն կրթու­թյուն ապահովելու, պրո­ֆե­սիո­նալ երաժշտական կադրեր պատ­րաստելու և երաժշտական մշակութային կյանքի զարգացմանը նպաս­տելու կարևո­րագույն առաքե­լությամբ: 

Իբրև կրթության պետա­կան քա­ղա­քականության սկզ­բունք­­ների կրող ու հե­տևորդ՝ բուհը ձևավորվել է հայ պրոֆեսիոնալ երաժիշտներ կեր­տող դարբնոցի՝ ԵՊԿ-ի ավանդույթների և Շիրակի երաժշտական, պատմա­մշա­կութային ժա­ռան­գության վրա: Կրթօջախի առաջնային դերը երաժշտական պրոֆեսիոնալ գիտելիք­ների, ան­հրա­ժեշտ հմտությունների տիրապետ­ման, դրանց փոխանցման ու հանրա­հռչակ­ման սկզբունքների լիարժեք կիրառումն է:

Բուհի համար հիմք ծառայեց Արվեստի ակադեմիան, որը ստեղծվել էր դիրիժոր Լորիս Ճգնավորյանի նախաձեռնությամբ՝ առավելապես 1991 թվականի հունիսի 1-9 կատարած ուխտագնացության ընթացքում հավաքված միջոցների, ինչպես նաև Հայկական Բարեգործական Ընդհանուր Միության /ՀԲԸՄ, AGBU/ նյութական աջակցության շնորհիվ: Գյումրու մասնաճյուղի գործունեությունը խթանիչ դեր ունեցավ իր մշակութային ավանդույթներով հայտնի հնագույն Գյումրու երաժշտական կյանքի ընդհանուր մակարդակի բարձրացման գործում: Գյումրու մասնաճյուղի անձնակազմի եռանդուն, ստեղծագործական աշխատանքը իր ծանրակշիռ ներդրումն ունեցավ և շարունակում է ունենալ 1988 թվականի երկրաշարժի ողբերգական հետևանքների հաղթահարման գործում:

Երևանի կոնսերվատորիայի Գյումրու մասնաճյուղը դարձել է տարածաշրջանի մշակութային կյանքի ճանաչված կենտրոնը: