Օտարերկրյա ուսանողների ընդունելություն
ՕՏԱՐԵՐԿՐՅԱ (ԱՅԴ ԹՎՈՒՄ ՍՓՅՈՒՌՔԱՀԱՅ) ԴԻՄՈՐԴՆԵՐԻ ԳՐԱՆՑՄԱՆ ԵՎ ՓԱՍՏԱԹՂԹԵՐԻ ՀԱՅՏԱԳՐՄԱՆ ԳՈՐԾԸՆԹԱՑ
Հայաստանի Հանրապետության կրթության, գիտության, մշակույթի և սպորտի նախարարությունը՝ հիմք ընդունելով Հայաստանի Հանրապետության կառավարության 2011 թվականի ապրիլի 28-ի «Հայաստանի Հանրապետության բարձրագույն ուսումնական հաստատություններ օտարերկրյա քաղաքացիների, ինչպես նաև օտարերկրյա պետություններում գործող Հայաստանի Հանրապետության դիվանագիտական ծառայության մարմիններում աշխատող դիվանագետների ընտանիքների անդամների ընդունելության կարգը հաստատելու մասին» N 700-Ն որոշումը, սկսել է ՀՀ բարձրագույն և հետբուհական մասնագիտական կրթական ծրագրեր իրականացնող ուսումնական հաստատություններում 2026-2027 ուսումնական տարվա համար օտարերկրյա քաղաքացիների (այդ թվում՝ սփյուռքահայերի) fs.emis.am էլեկտրոնային համակարգի միջոցով փաստաթղթերի հայտագրման գործընթացը։
Ժամկետները և այլ մանրամասները ներկայացված են դիմորդի ուղեցույցում։
Ժամկետներ
- Անվճար առկա ուսուցմամբ բակալավրի կրթական ծրագիր (հայագիտական, մանկավարժական և արվեստի բնագավառի մասնագիտություններ սփյուռքահայ դիմորդների համար)՝ 2026 թ. հունիսի 22-ից մինչև օգոստոսի 24-ը ներառյալ
- Վճարովի առկա ուսուցմամբ բակալավրի ու անընդհատ և ինտեգրացված կրթական ծրագրեր (այդ թվում՝ նախապատրաստական դասընթաց)՝ 2026 թ. հունիսի 22-ից մինչև սեպտեմբերի 30-ը ներառյալ
- Վճարովի առկա ուսուցմամբ մագիստրոսի կրթական ծրագիր (այդ թվում՝ նախապատրաստական դասընթաց)՝ 2026 թ. հունիսի 22-ից մինչև հոկտեմբերի 15-ը ներառյալ
- Վճարովի հեռակա ուսուցմամբ բակալավրի և մագիստրոսի կրթական ծրագրեր՝ 2026 թ. հունիսի 22-ից մինչև հոկտեմբերի 16-ը ներառյալ
- Վճարովի հետբուհական (ասպիրանտուրա) կրթական ծրագիր՝ 2026 թ. հունիսի 22-ից մինչև նոյեմբերի 13-ը ներառյալ
Անհրաժեշտ փաստաթղթեր
Դիմորդները ներկայացնում են հետևյալ փաստաթղթերը՝
- Անձնագրի պատճենը
- Ազգության հաստատում (սփյուռքահայ դիմորդների համար)՝ ծննդյան վկայականի պատճենը՝ նոտարով վավերացված, կամ մկրտության վկայականի պատճենը
- Կրթության վկայական՝ կրթական աստիճանի վերաբերյալ ավարտական փաստաթղթի պատճենը (գնահատականներով)՝ թարգմանված և նոտարական, իսկ առանձին երկրների դեպքում՝ նաև միջազգային վավերացմամբ (ապոստիլ)
- Բժշկական տեղեկանք՝ ընդհանուր առողջական վիճակի մասին (կարող է տրված լինել նաև Հայաստանի Հանրապետության բժշկական կազմակերպությունների կողմից)
- Միասնական քննությունների վկայագիր
- Լուսանկարներ՝ 4 հատ (3 × 4 չափսի)
- Ինքնակենսագրություն (CV)՝ հայերենով, ռուսերենով կամ անգլերենով
- Գիտական ռեֆերատ (հետբուհական կրթության համար)՝ ընտրած մասնագիտության թեմայով գիտական ռեֆերատ՝ 20 էջի սահմաններում, հայերենով, ռուսերենով կամ անգլերենով
Կապ և տեղեկատվություն
Խնդրում ենք հայտագրումից առաջ հանգամանալից ծանոթանալ կարգին։ Հարցերի դեպքում կարող եք դիմել՝
- ՀՀ ԿԳՄՍ նախարարություն՝ Միջազգային համագործակցության և սփյուռքի հետ կապերի բաժին, Հեռախոս՝ +374 10-599-699 (ներքին՝ 647 կամ 646)
- fs.emis.am համակարգի տեխնիկական հարցերով՝ Կրթական տեխնոլոգիաների ազգային կենտրոն (ԿՏԱԿ), Հեռախոս՝ +374 10-578455
- Երևանի պետական կոնսերվատորիա՝ Օտարերկրյա ուսանողների ընդունելության հարցերով պատասխանատու, Հեռախոս՝ +374 94-430314
Գրանցման և փաստաթղթերի հայտագրման կարգի պաշտոնական հղումներ
- Հայերեն՝ https://escs.am/am/news/36951
- Ռուսերեն՝ https://escs.am/ru/news/36951
- Անգլերեն՝ https://escs.am/en/news/36951