Ընդհանուր տեղեկատվություն

• Շնորհվող որակավորումը․ Արվեստի բակալավր
• Մասնագիտության / ԿԾ դասիչը․ 021501.00.6 / 021501.01.6
• Որակավորման մակարդակը․ Բարձրագույն կրթության առաջին աստիճան (ՈԱՇ 6-րդ մակարդակ)
• Ուսումնական աշխատածավալը․ 240 կրեդիտ (ECTS)
• Ուսման տևողությունը և ձևը․ 4 տարի (8 կիսամյակ), առկա ուսուցում
• Դասավանդման լեզուն․ Հայերեն
• Իրավական հիմք․ Հաստատված է 30․06․2022թ․ ԵՊԿ գիտական խորհրդի նիստում

Ծրագրի նպատակները

• Ապահովել միջազգային չափանիշներին և արդի պահանջներին համապատասխան երաժշտական կրթություն։
• Պատրաստել վերլուծության և ինքնավերլուծության ունակ երաժիշտների, ովքեր մրցունակ կլինեն միջազգային ասպարեզում։
• Զարգացնել քննադատական մտածողություն, պատասխանատվության զգացում և հարատև ինքնազարգացման միտում։
• Ապահովել ակադեմիական ազատության նորմերի վրա հիմնված բաց, հասանելի և գործնական ուսումնական մթնոլորտ։

Կրթական ծրագրի վերջնարդյունքները

1. Ստեղծագործել ժամանակակից դասական երաժշտության տարբեր գործիքային և վոկալ ժանրերում՝ ճշգրիտ նոտագրելով սեփական գաղափարները։
2. Կիրառել անցյալի և արդի երաժշտարվեստի արտահայտչամիջոցները, տեխնիկաներն ու ձևակառուցման օրինաչափությունները։
3. Տիրապետել տարբեր երաժշտական կազմերի համար գործիքավորման, ներդաշնակման և բազմաձայնման արվեստին։
4. Մասնակցել թիմային աշխատանքի, համագործակցել կատարողների հետ և վարել սեփական ստեղծագործությունների փորձերը։
5. Իրականացնել մասնագիտական գրավոր և բանավոր հաղորդակցություն (ակադեմիական ոճով) հայերենով և առնվազն մեկ օտար լեզվով։
6. Ցուցաբերել երաժշտական մանկավարժության, արվեստի այլ ճյուղերի և հումանիտար գիտությունների տարրական գիտելիքներ։

Ծրագրի կառուցվածքը և Կրեդիտները

• Ա. Մասնագիտական կրթամաս (Կոմպոզիցիա)․ 65 կրեդիտ (ներառում է 10 կրեդիտ ամփոփիչ ատեստավորում)։
• Բ. Ընդհանուր մասնագիտական դասընթացներ․ 139 կրեդիտ (Գործիքագիտություն, Սոլֆեջո, Հարմոնիա, Պոլիֆոնիա, Երաժշտության պատմություն, Գործիքավորում և այլն)։
• Գ. Հումանիտար և մանկավարժական դասընթացներ․ 36 կրեդիտ (Մանկավարժություն, Հոգեբանություն, Օտար լեզու, Մանկավարժական պրակտիկա և այլն)։

Ընդունելության պայմաններ

• Փաստաթղթեր․ Ավագ դպրոցի ատեստատ, միջնակարգ մասնագիտական կրթության դիպլոմ կամ բարձրագույն կրթության վկայական /ամբողջ ցանկը տես Ընդունելության բաժնում/
• Քննություններ․ Մասնագիտություն (կոմպոզիցիա), սոլֆեջո (եռաձայն թելադրություն), հարմոնիա (խնդիր)։

Կարիերայի և Հետագա ուսումնառության հնարավորություններ

• Աշխատաշուկա․ Շրջանավարտներն հնարավորություն ունեն զբաղվելու մասնագիտական գործունեությամբ։
• Ուսման շարունակություն․ Մրցութային ցուցանիշների հիմնավորմամբ հնարավորություն ուսումը շարունակելու մագիստրատուրայում (ՈԱՇ 7-րդ մակարդակ)՝ ինչպես կոմպոզիցիայի, այնպես էլ երաժշտագիտության, դիրիժորության կամ երաժշտական մենեջմենթի գծով։

Միասնական Ներառական կրթության քաղաքականություն