Երևանի Կոմիտասի անվան պետական կոնսերվատորիայի Կրթության որակի ներքին ապահովման բաժինը գործում է ռեկտորի անմիջական ենթակայությամբ։ Այն ստեղծվել է 2011 թվականին՝ Կոնսերվատորիայի կրթական, հետազոտական և կառավարման գործընթացների որակն ու արդյունավետությունը բարձրացնելու նպատակով։

 

Բաժնի հիմնական գործառույթներն են՝

• Կրթության որակի ներքին ապահովման քաղաքականության, ռազմավարության և գործիքների մշակումն ու պարբերական վերանայումը,

• Կրթական ծրագրերի մշտադիտարկումը և դրանց վերանայման ու կատարելագործմանն աջակցությունը,

• Կոնսերվատորիայի գործունեության վերաբերյալ հետազոտությունների, հարցումների, տվյալների հավաքագրման և վերլուծության իրականացումը,

• Ուսանողների, աշխատակիցների և արտաքին շահակիցների կարիքների վերհանումն ու բարելավման առաջարկությունների ներկայացումը,

• Ինստիտուցիոնալ և կրթական ծրագրերի հավատարմագրման գործընթացների կազմակերպումը,

• Որակի ապահովման գործընթացների թափանցիկության և շահակիցների տեղեկացվածության ապահովումը։

Բաժինը համագործակցում է Կոնսերվատորիայի ստորաբաժանումների և Մասնագիտական կրթության որակի ապահովման ազգային կենտրոնի հետ՝ նպաստելով նաև որակի ապահովման եվրոպական մոտեցումների հետ համադրելիությանը։

 

Կառավարում և հաշվետվողականություն

Բաժնի աշխատանքները ղեկավարում է վարիչը։

Գործունեությունը կարգավորվում է ՀՀ օրենսդրությամբ, Կոնսերվատորիայի կանոնադրությամբ և բաժնի կանոնակարգով։

Կատարված աշխատանքների վերաբերյալ տարեկան առնվազն մեկ անգամ հաշվետվություն է ներկայացվում Ակադեմիական խորհրդին։

 

Կոնտակտային տվյալներ

• Հեռախոս՝ +374 55 00 14 91

• Էլ. փոստ՝ [email protected]