Երևանի Կոմիտասի անվան պետական կոնսերվատորիան իրականացնում է «Կատարողական և ստեղծագործական բարձրագույն վարպետություն» լրացուցիչ կրթության վճարովի դասընթացներ՝ մասնագիտական գիտելիքների խորացման, կատարողական և ստեղծագործական վարպետության կատարելագործման նպատակով։

Դասընթացները նախատեսված են բարձրագույն մասնագիտական կրթություն ունեցող շրջանավարտների համար։ Ուսուցումն իրականացվում է երկամյա կրթական ծրագրով՝ 80 շաբաթ տևողությամբ։

 

ԴԻՄԵԼՈՒ ԺԱՄԿԵՏՆԵՐԸ

Դիմորդների փաստաթղթերն ընդունվում են յուրաքանչյուր ուսումնական տարվա սեպտեմբերի 1–15-ը։ Պարապմունքները սկսվում են սեպտեմբերի 16-ից։

 

ԱՆՀՐԱԺԵՇՏ ՓԱՍՏԱԹՂԹԵՐԸ

Դիմորդը ներկայացնում է՝

- դիմում՝ ռեկտորի անունով,

- բարձրագույն մասնագիտական կրթության դիպլոմի և դրա միջուկի պատճենները,

- 6 լուսանկար՝ 3 × 4 սմ չափսի,

- ինքնակենսագրություն,

- անձնագրի պատճեն՝ բնօրինակը ներկայացնելով անձամբ,

- ընդունելության ծրագիր։

Ընդունելության ձևակերպումը և ուսման վարձը

Դիմորդները հրամանագրվում են որպես ունկնդիրներ՝ վճարովի կրթական ծառայությունների մատուցման պայմանագիրը կնքելուց և տարեկան ուսման վարձը վճարելուց հետո։ Ուսման վարձի չափը և վճարման պայմանները սահմանվում են պայմանագրով։

 

ԱՎԱՐՏԱԿԱՆ ՓԱՍՏԱԹՈՒՂԹԸ

Կրթական ծրագիրն ավարտած ունկնդիրներին ատեստավորման արդյունքների հիման վրա տրվում է սահմանված նմուշի ավարտական փաստաթուղթ՝ հավաստագիր։

Դասընթացները կազմակերպում և համակարգում է Կոնսերվատորիայի Ուսումնական մասը՝ ֆակուլտետների և ամբիոնների անմիջական մասնակցությամբ։