6
ՀՈԿՏԵՄԲԵՐ
10:00
Զագրեբի Երաժշտական ակադեմիայի գեղարվեստական խորհրդատու, միջազգային մրցույթների դափնեկիր, դաշնակահար Մարինա Մատոլիչը ծավալում է համերգային և մանկավարժական ակտիվ գործունեություն՝ հանդես գալով որպես մենակատար, կամերային երաժիշտ և նվագակցող։
Մարինա Մատոլիչը 1995 թվականին ավարտել է Զագրեբի երաժշտական ակադեմիան՝ պրոֆեսոր Յուրիցա Մուրայի դաշնամուրի դասարանում, զուգահեռ ուսանել է կլավեսին՝ պրոֆեսոր Վիշնյա Մաժուրանի դասարանում։ 1999 թվականին ավարտել է հետբուհական երկամյա ուսումնառությունը՝ պրոֆեսոր Զվյեզդանա Բաշիչի ղեկավարությամբ՝ ստանալով երաժշտական արվեստի մագիստրոսի աստիճան։
1996 թվականին արժանացել է Հռոմի դաշնամուրի միջազգային մրցույթի երկրորդ մրցանակին, իսկ 2000 թվականին՝ կլարնետահար Բրունո Ֆիլիպի հետ, «Radio Podij» մրցույթի երկրորդ մրցանակին։
Մարինա Մատոլիչը մենահամերգներով և կամերային կազմերով ելույթ է ունենում Խորվաթիայում ու արտերկրում՝ համագործակցելով անվանի փողային կատարողների և երգիչների հետ։ Մասնակցել է «Դ. Լուկիչ» հուշամիջոցառմանը, «Երիտասարդները՝ երիտասարդների համար» համերգաշարին, Պուլայի միջազգային երաժշտական ֆորումին և Տրիեստի Էրիկ Սատիի փառատոնին։ Երկար տարիներ որպես նվագակցող համագործակցել է միջազգային ամառային դպրոցների, վարպետության դասերի և կատարողական մրցույթների հետ, այդ թվում՝ Պուչիշչայի միջազգային ամառային դպրոցի, VIMM և «Papandopulo» փողային գործիքների մրցույթների։ Նվագակցողի իր աշխատանքի համար արժանացել է բազմաթիվ ազգային մրցանակների։
1997 թվականից աշխատում է Զագրեբի երաժշտական ակադեմիայում։ Տասնհինգ տարի դաշնամուրի բաժնի ուսանողներին դասավանդում է «Նվագակցություն» առարկան։ Մի շարք կամերային անսամբլների համահիմնադիր է, այդ թվում՝ ֆագոտահար Ժարկո Պերիշիչի հետ ստեղծված «Pfagottiano» դուետի և «Jongen» տրիոյի։ Նրա գործունեության առանձնահատուկ ուղղություններից է երեխաների երաժշտական կրթությունը։ Երկար տարիներ ղեկավարել է «Bajka» և «Čarobni zvuci» («Կախարդական հնչյուններ») մանկական երգչախմբերը՝ նրանց համար գրելով երգեր և մշակումներ։ 2011 թվականին թողարկել է «Abeceda» («Այբուբեն») մանկական երգերի ձայնասկավառակը։ Հեղինակում և իրականացնում է նաև մանկական մյուզիքլներ ու երաժշտական նախագծեր։ Մարինա Մատոլիչը նաև Զագրեբի համալսարանական հիվանդանոցային կենտրոնի բուժքույրերի և բուժտեխնիկների երգչախմբի գեղարվեստական ղեկավարն ու խմբավարն է։
ՎԱՐՊԵՏՈՒԹՅԱՆ ԴԱՍԵՐԻ ԾՐԱԳԻՐ
ՀՈԿՏԵՄԲԵՐԻ 6, ԺԱՄԸ 10։00
4-ՐԴ ՀԱՐԿԻ ԴԱՀԼԻՃ
Կամերային գործիքային անսամբլի ամբիոն
Ֆրանսուա Դևիեն - Սոնատ № 2 կլարնետի և դաշնամուրի համար
Իլյա Բրսոյան, կլարնետ
Ռոզալյա Մինասյան, դաշնամուր
Ռոբերտ Շուման - «Ֆանտաստիկ պիեսներ» (Fantasiestücke), op. 73
Իլյա Բրսոյան՝ կլարնետ
Ռոզալյա Մինասյան, դաշնամուր
Բենեդետտո Մարչելլո - Սոնատ մի բեմոլ մաժոր
Նարեկ Փոթոյան՝ կլարնետ, Աստղիկ Ղուկասյան, դաշնամուր
Ֆրանսուա Դևիեն - Սոնատ № 1 կլարնետի և դաշնամուրի համար, I մաս
Ռոման Միկիչյան, կլարնետ, 4-րդ կուրս
Էլեն Բարսեղյան, դաշնամուր, մագիստրատուրա 1-ին կուրս
Ղեկավար՝ դոցենտ Ա. Ղուկասյանի դասարան,
Ֆրանց Անտոն Հոֆմայստեր - Սոնատ մի բեմոլ մաժոր՝ կլարնետի և դաշնամուրի համար
Մարիամ Մարտիրոսյան, 3-րդ կուրս
Աստղիկ Հակոբյան, դաշնամուր, 3-րդ կուրս
Ֆրանսիս Պուլենկ - Սոնատ կլարնետի և դաշնամուրի համար, II մաս, Romanza
Ալեն Հովհաննիսյան, կլարնետ, 3-րդ կուրս
Սիոնա Առաքելյան, դաշնամուր, 4-րդ կուրս
ՀՈԿՏԵՄԲԵՐԻ 7, ԺԱՄԸ 11։00
4-ՐԴ ՀԱՐԿԻ ԴԱՀԼԻՃ
Կոնցերտմայստերական ամբիոն
Գագիկ Հովունց - Երեք պիես ֆլեյտայի համար («Իմիտացիա», «Ինվենցիա» և «Շարժում»)
Ասյա Ջանունց, ֆլեյտա
Սեդա Գրիգորյան, դաշնամուր
Յոհան Սեբաստիան Բախ - «Սիցիլիանա»
Հրաչյա Մարտիրոսյան, շեփոր
Դերէն Բրաթյան, դաշնամուր
Գաբրիել Ֆորե - «Երազից հետո» (Après un rêve)
Մանե Ավագյան, ֆլեյտա
Դերէն Բրաթյան, դաշնամուր
Ալեքսանդր Հարությունյան – Շեփորի կոնցերտ
Վահագն Աբաղյան, շեփոր
Դերէն Բրաթյան, դաշնամուր
Աստոր Պիացոլլա - «Մոռացություն» (Oblivion)
Վարդուհի Բարսեղյան, հոբոյ
Վիկտորիա Ներկարարյան, դաշնամուր