Ջազ դաշնակահար, կոմպոզիտոր Տիգրան Համասյանը և Հայաստանի պետական ջազ նվագախումբը State Jazz Orchestra of Armenia (գեղարվեստական ղեկավար Դավիթ Մելքոնյան) հրավիրում են բրիտանացի բաս-կոնտրաբասահար Քոնոր Չապլինի (Conor Chaplin) վարպետության դասի։

 

Սեպտեմբերի 6, ժամը 13:00

Հայաստանի պետական ջազ նվագախմբի դահլիճ

Հասցե՝ Հայաստանի ճարտարապետների միություն

Բաղրամյան 17

Մուտքն ազատ է

 

Ծնունդով իռլանդացի Քոնոր Չապլինը կրթություն ստացել Գրինվիչի (Մեծ Բրիտանիա) Թրինիթի երաժշտական քոլեջում՝ ուսանելով Սայմոն Փերսելի, Սթիվ Ուոթսի և այլ անվանի երաժիշտների ղեկավարությամբ։ Նրա մասնագիտական ձևավորման վրա նշանակալի ազդեցություն են ունեցել նաև նշանավոր կոմպոզիտոր և մանկավարժ Մարտին Ռիդը՝ Հեմփշիրի Ալթոն քոլեջում, ինչպես նաև Սուրեյի շրջանի երիտասարդական ջազ նվագախմբում (Surrey County Youth Jazz Orchestra, Վոքինգ) և Ազգային երիտասարդական ջազ նվագախմբում (National Youth Jazz Orchestra) ունեցած գործունեությունը՝ Բիլ Էշթոնի և Մարկ Արմսթրոնգի ղեկավարությամբ։

Ներկայումս նա հիմնականում հյուրախաղերով հանդես է գալիս այնպիսի  նախագծերի կազմում, ինչպիսիք են Մարիուս Նեսեթի «Happy» կվինտետը, սաքսոֆոնահար Էմմա Ռավիչի խումբը, Լորա Ջուրդի՝ «Mercury Prize»-ի հավակնորդ «Dinosaur» խումբը, ինչպես նաև կիթառահար Թոմ Օլենդորֆի տրիոն։

Այս մշտական նախագծերի և բազմաթիվ այլ համագործակցությունների շրջանակում Քոնոր Չապլինը լայնորեն շրջագայել է Միացյալ Թագավորությունում, Հյուսիսային Ամերիկայում, Եվրոպայում և Ասիայում։ Նա բեմ է կիսել տարբեր ոճերի և սերունդների երաժիշտների հետ, որոնց թվում են Քիթ Դաունսը, Բեն վան Գելդերը, Ռեյնիեր Բաասը, Թոմաս Ստրյոնենը, Բոբո Սթենսոնը, Հարոլդ Մեյբերնը, Ջորջ Գարզոնը, Բիլի Քոբհեմը, Ջեյքոբ Քոլիերը, Ջեսի վան Ռուլերը, Իեն Բալամին, Ջուլիան Սիգելը, Նատալի Ուիլյամսը, Այվո Նիմը, Թոնի Թիքսիեն, Քիոն Հարոլդը, Սթեն Սալցմանը, Բոբի Ուելինսը և բազմաթիվ այլ երաժիշտներ։